Illoqarfiit tamaasa juumooqartissallugit nunatta akissaqartinngilaa
-Nunatsinni illoqarfiit tamarmik ilinniarsimasunik juumooqartariaqarput, taama juumuut ilinniarsimasut qulit Peqqinnissamut naalakkersuisumut Agathe Fontainimut ammasunik pingasunngormat ilaatigut pingasunngormat allagaqarput.
Taamaalisoqarsinnaanera akissaqartinneqanngilaq:
- Ullumikkut sinaakkutassarisarineqartut aallaavigalugit ajornarpoq, Agathe Fontain oqarpoq.
Arnarparsuit erniartortariaqartarput meeqqatik, uitik avatangiisillu sungiusimasatik qimallugit, tamanna ilaqutariinnut toqqissisisimanarpa ?
- Tassamiuna isumannaallisaaneq pissutigalugu uiusut meeqqaallu qimanneqartariaqartartut. Arnat amerlasuut taamaaliortarput. Isumaqarpunga tamanna akisussaassuseqarnerusoq.
Nammineq ajunngitsumik pineqarsorissanerluni nunaqarfimmi juummooqanngitsumi ernissagaluaruni ?
- Ajunngitsumik pineqartutut malugisimassagaluarpunga qulakkeersimagukku peqqinnissaqarfiup pitsaanerpaamik neqeroorfigigaanga, peqqinnissamut naalakkersuisoq Agathe Fontain oqarpoq.