Illoqarfiit sisamat ataatsimiinnerat eqqumiigivaa
Allattoq Jaaku Lyberth
januaarip 11-at 2007 11:31
Illoqarfiit sisamat Qaqortup, Nuup, Sisimiut Ilulissallu borgmesterii decembarimi Københavnimi naapeqatigiissimapput imminnut taaguuserlutik ”Illoqarfiit inerisaaviusut”.
Taakku taamak angalasimanerat pilersaarutigisimasaallu kommuneqarfiit kattuffiannit KANUKOKA-mit ilisimaneqanngilaq, tamannalu kattuffiup siulittaasuata Lars Karl Jensenip iluarinngeqaa.
Kanukoka-p siulersuisuini assut issanngugineqarpoq, kimillu illoqarfiit sisamat ataatsimeeqatigiinnissaannut pisinnaatitaaffiligaasimanersut paasiuminaalluni. Ullumimut komuunit kattuffiat aqqutigalugu suliassat ingerlanneqartarput ingammik kommunit kattussuunnissaannut tunngasut pineqartillugit., Kanukoka-p siulittaasua Lars Karl Jensen oqarpoq.
