Illersornissaqqarfiup timmisartuutini Challengerit taartissarsiortussanngorai
![](/sites/default/files/styles/image_934x467/public/2024-08/2017-10-30__DSC2639.jpg?itok=RkeRn5N-)
Timmisartorsuit Challengerit nutaanngilipput.
Danmarkip illersornissamut ministeria tusagassiutinut taama nalunaarpoq.
Illersornissaqarfiup timmisartorsui ajornartorsiuteqartut atorsinnaajunnaaqqajaasullu tassani aamma allassimavoq.
Illersornissaqarfiup timmisartuutai aassartuinernut, annassiniarnernut, nakkutilliinernut kunngikkormiunillu angallassinernut atuupput.
Taakkua aamma ilaatigut maaani nunatsinni alapernaarsuinernut annaassiniarnernullu atorneqartarput.
Timmisartorsuaq ataaseq Issittumi Sakkutooqarfiup ataaniilluni Kangerlusssuarmiippoq.
Timmisartulli suliassanik pingaarnerpaanik suliaqartalissasut, Danmarkip illersornissamut ministerial Troels Lund Poulsen oqarpoq.
- Timmisartut suliassanut atoriaannaaneri killeqarput, taamaanneratalu suliassanik naammassinnissinnaajumalluta atortutta sumut atornissaannik, ingammmik nalagaaffeqatigiinni pisussaaffitsinnik pingaarnersiuisariaqarpugut. Taamaammallu naalagaaffiup qullersaanik angallassisussaanerup allaanerusumik aaqqissinnaanissaaq misissorniarparput.’
Illersornissaqarfiup atortuutinut pissarsiniarnermullu qullersaqarfia timmisartorsuarnut Challengerinut taartaasussanik attartugassarsiornissaminut atatillugu suliarinnitussarssiorluni sapaatit akunneranni matumani aallartissaq. Suliarinnitussarsiorneq ukioq naanngitsoq naammassissaaq.
Illorsornissaaqarfik assartuissutaasinnaasunik nutaanik timmisartortaartariaqarnersoq misissorneqassasoq, illersornissaq pillugu Folketingimi upernaaq isumaqatigiissummi aalajangerneqarpoq.