Illerfik imaqannngitsoq arnap ilivaa

Maren Abrahamsenip paniminik toqungalluni inuusumik ilisineranit ullut tallimat qaangiuttut, iliveqimaqarsimanngitsoq kalerrinneqarpoq. Sermitsiaq.ag-p allaaserinninnera naapertorlugu paniata ilivermut ikineqarnissaa peqqinnissaqarfiup puigorsimavaa.

- Misigissuseq nassuiaruminaappoq. Tupannarpoq. Eqqarsarpunga “sooruna taamatut aqqusaagaqartussaasimasunga”, Maren Abrahamsen nutaarsiassaqartitsivimmut oqarpoq.

Maren Abrahamsenip pania, toqungalluni inuusoq decembarip 14-ianni siullermik ilisaavoq. Sapaatip akunnera qaangiuttoq aappassaanik ilisisoqarpoq.

- Sakkortuvoq! Ilisineq pissusissamisut ingerlasoq isumaqaraluarpunga. Ilisereernerup kingorna eqqissiallakkaluarpunga, Maren Abrahamsen nutaarsiassaqartitsivimmut oqarpoq.

Ilisinerup kingorna, ullut tallimat qaangiuttut Paamiut napparsimmavianut aggersarneqarpoq.

Illoqarfiup palasia, nakorsaq, peqqissaasorlu peqataapput.

Taakkulu iliverup imaqarsimannginneranik Maren Abrahamsenimut kalerriisuusut, Sermitsiaq.ag allappoq.