Ilisineq KNR-ikkut aallakaatinneqassaaq
Agnethe Davidsenip ilisaanera toqqaannartumik KNR-ikkut tallimanngorpat aallakaatinneqassaaq.
Allattoq Mads Lynge
KNR-imit ippassaq aalajangiunneqarpoq, borgmester Agnethe Davidseniugaluup ilisaanera, tallimanngorpat novembarip ulluisa 30-anni nalunaaqutaq ataatsinut Nuummi Hans Egedep oqaluffiani pisussaq tv-kkut toqqaannartumik aallakaatinneqassasoq.
Innuttaasut oqaluffimmi inissaqanngitsut periarfissinniarlugit Nuummi katersortarfik angisuumik isiginnaarummik ikkussiniarpoq.
Ilisinerup kingornagut Nuummiut Katuami kaffillerfigineqassapput.