Ilisimatuut nunatsinnukartinnatik innutaasut paasitittarnissaat

Nunat tamalaat issittumut ukiorititaat ullumikkut aallartippoq. Ilisimatuussutsikkut suliaqartut 300-t missaanniittut, ingerlatseqatigiiffinnit 100-nit assigiinngitsuninngaaneersut, nunatsinni ilisimatuussutsikkut suliaqarnissaat naatsorsuutigineqarpoq. Ilisimatoorpassuit nunatsinnukartussaapput, taakkulu sunik suliaqarnissartik, innuttaasunut, nunaqarfinni aqutsisunut kommuninullu ilisimatitsissutigisassagaat, ilisimatuussutsikkut ilinniagallip nunatsinneersup, Lene Kielsen Holmip, ICC-imi atorfillip kissaatigaa:

Neriuutigaara ilisimatuut illoqarfinnut nunaqarfinnullu tikitassaminnut ataqqinnillutik, suliassaminnik inuttaasunut ilisimatitsisassasut, sunarpiaq misissorniarnerlugu paasissutissiissutigisassagaat, taamaalillutik innutaasut ilisimatinneqarnermikkut suleqataanermikkut aamma ilusilersueqataasinnaassapput. Ajoraluartumik nunatsinni avataaniit ilisimatuussutsikkut missuiartortunut piumasaqaateqarneq ajoratta, Lene Kielsen Holm oqarpoq. Canada-imi pisortat ilisimatinneqartarput, ilisimatuut suliassaminnik nalunaaruteqarlutik. Nunatsinnulli ilisimatuut suliartorniarunik nunatsinnukaannarsinnaapput pisortanit akuersissummik peqqaaratik. Neriuutigissavarput ilisimatuut nunatsinnukalernerminnik innutaasunik ataqqinnillutik suliassaminnik paasissutissiisarnissaat

…