Ilisimatusartut Tunumut tusarniaalerput

Taamaammat ilisimatusartut qaammammi uani Tunumukalerput, piniartukkormiut silap pissusaata allanngoriartornera qanoq misigineraat tusarniarlugu.

Ilisimatusarneq piviusunngorpoq Danmarkimi silasiorfiup, DMI-p, Nordisk Center for regionalforskningip aamma Roskilde Universitets Centerip suleqatigiinnerisigut. Ilisimatusarnermi Kalaallit Nunaanniit aamma peqataasoqarniarpoq.

-Tunumi misissuinissaq pilersaarusiap annertuup ilaaneersuuvoq, immap sikuata sumiiffinni sikorsuit inooqatigiinnermut inooqatigiinnullu pissutsinut allanngornera qanoq sunniuteqarsimanersut, taama allapput suliniummi pisortaq, Rasmus Ole Rasmussen, Roskilde Universitets Centerimeersoq, suliniummilu ataqatigiissaarisoq, Karen Marie Nathansen.

Illoqqortoormiut siullermik orninneqassapput, ilisimatusartullu Tasiilamut kingorna ingerlaqqissallutik. Ilisimatusarnermi paasisat aviisini allaaserisatigut saqqummiunneqassapput, aamma TV-kkut aallakaatitassiortoqarumaarluni.