Ilisimatusartut 6500-t Issittup Ukiuini ilisimatusassapput

Ullumikkut ulloq ilisimatusartut ulloraat.

Nunat tamat nunarsuaq tamakkerlugu issittumut ukiorititaat ullumikkut malunnartinniarneqarpoq. Nunarsuaq tamakkerlugu issittumik ilisimatusarnerup, IPY-mik taaguuserneqarsimasup, aallarnerneqarnera nunat Atlantikup avannaaniittut Danmarkillu Københavnimi Illu Atlantikumi ingerlappaat.

Ilisimatusartut 180-it, politikerit tusagassiortullu

Danmarkimeersut, Kalaallit Nunaanneersut, Savalimmiuneersut Islandimeersullu, Issittup Ukiuinut illersuisuusoq, Kunngissaq Frederik, peqatigalugu, pingaartorsiorpalaartumik oqalugiarnerit nalunaaquttap akunnerini makkunanerpiaq tusarnaarpaat, isiginnaagassianillu videomut immiunneqarsimasunik, Avannaarsuaneersunik isiginnaarlutik.

Ullumikkut ulloq ilisimatusarnerup ulloraa.

Ilisimatusartut nunanit tamaneersut suleqatigiilluinnarput, aamma ajornartorsiutit aporfiusinnaasullu eqqarsaatigalugit.

Nunani issittuni pissutsit massakkorpiaq siunissamilu qanoq innerat sukumiisumik sammineqassaaq. Soorlu ilisimatusartut 6.500-t ilisimatusarfissani katillugit 220-ni nunarsuaq tamakkerlugu agguataarsimasuni suleqatigiipput.

Taakkunannga 220-nit untritillit missaat Kalaallit Nunaanniipput, danskit kalaallillu 300-t missaannittut peqataaffigisaannik ilisimatusarfigineqassallutik.

Issittup ilisimatusarfigineqarnissaanut 2,5 milliardi koruunit sinnerlugit nunarsuaq tamakkerlugu aningaasaliissutigineqarput, Issittullu Ukiuisa ingerlaneranni ilisimatusarnissamut Danmarkimi naalakkersuisut katillugit 76 millioni koruuninik immikkoortitsisimapput.