Ilisimatusarnerup Issittumi sooq mingutsitsisoqarnerunera erseqqissaraa
![Arctic Circle Trail](/sites/default/files/styles/image_934x467/public/oil_spill_3_1.jpeg?itok=nYuWTE6O)
![](/sites/default/files/styles/image_934x467/public/oil_spill_2_1.jpeg?itok=4eCtbnu0)
Immap sikua silap pissusiata allanngoriartornerata kingunerisaanik aakkiartuinnarpoq, tamannalu pissutigalugu Sullualukkut aqqut, Ruslandilu avannaqqullugu kangianut aqqut ammariartorput, uuliasiorsinnaanissamillu aamma periarfissiillutik.
Issittumi angallavissat nutaat ammaanneqarnerat uuliarluertoqarnissaanut aamma ernumatitsivoq.
AAMMA ATUARUK Bakteriat Nunatsinni nassaassaasut allanngorlutik mingutsitsinermut akiuussinnaalersartut
Immami uuliakoortoqaraangat uuliap 15 aamma 25 procentiata akornanniittoq taamaallaat peerneqarsinnaavoq, sinneralu pinngortitap "isumagisarpaa". Bakteeriammi uulia nerisarpaat, taamaalillunilu tammariartortinneqartarluni.
Immami uuliarluernermut paasissutissat immikkut ilisimasalinnit katersorneqarmata, paasissutissat immikkoortunut arfinilinnut aggulunneqarput, Issittup imartaani uuliarluernermi uuliap pinngortitamit tammariartortinneqartarnera matumani pineqarlutik.
Immikkuualuttunut ilaasut tassaapput immap sikua, issittarnera inuussutissallu amerlavallaannginnerat, tamakkualu qangali ilisimaneqareerput, ilisimatuussutsikkullu misissorluarneqareerlutik.
AAMMA ATUARUK Daneborgimi mingutsitsinermik saliisoqarnissaa pilersaarutigineqanngitsoq
Seqernup qinngorneri soorunami aamma sunniuteqarput. Uumasunummi naasunullu immap ikerinnaanniittunut aasaanerani sunniuteqarsinnaapput, nalinginnaasumit tamakku amerlanerutilerlugit. Immap uumasui naasuiluunniit tamakku uuliamut nipputtutullusooq ittarput, uulialu immap naqqanut kivisittarlugu. Tamanna ajornartorsiutaavoq, seqernummi qinngorneri uulia aalannguutsittarpaat tammariartuaartittarlugu. Seqernulli qinngorneri immap naqqanut ilaatigut anngussinnaaneq ajorput, uulialu tassa tammariartuaartissinnaanagu.
Leendert Vergeynst, Aarhus Universitetimi Arktisk Forskningscenterimeersoq, oqarpoq Nuup Kangerluani aasaq manna assigiinngitsunik misileraasoqassasoq, uulia tankit ilaannut maqillugu bakteerianit annikillisarneqarsinnaanersoq aasaq manna misilerarneqassalluni.
AAMMA ATUARUK Issittumi akoorutissanik mingutsitsineq annikilliartortoq