Ilisimatusarneq pillugu saqqummersitsisoqalerpoq

Ilisimatusarneq pillugu suliani atuakkat marluk ilisimatuunit assigiinngitsunit ilaaffigineqartut saqqummilerput.

Suliaq taaguuteqarpoq 'The Political Economy in Northern Regional Development' (Nunani avannarlerni ineriartorfiusuni naalakkersuinermi aningaasaqarneq, aaqq.) tassanilu pineqarput aningaasaqarneq, nunarsuarmiooqataanerulerneq kiisalu silap pissusaata allanngornera.

Atuagaq siulleq sapaatit akunneri marluk qaangiuppata saqqummissaaq 18-inillu peqataaffigineqarluni, tassani ilaatigut Rasmus Ole Rasmussen Birger Poppel-ilu peqataapput Gorm Winther-ilu aaqqissuisuuvoq. Atuakkat aappaat aasaru saqqummissaaq.

Nunarsuarmiooqataalernermit, silap pissusaata allanngorneranit kiisalu aningaasaqarnerup ineriartorneranit nunani avannarlerni nammineernerulernermut ineriartornerup sunnerneqarnera atuakkami eqqartorneqarpoq.

Suliaq 6,3 mio. kr.-init aningaasaliiffigineqarpoq ilaatigut Kommissionen for Videnskabelige Undersøgelser i Grønlandimit, Namminersorlutik Oqartussat ilisimatusarnermut aningaasaateqarfiannit kiisalu Nordisk Ministerrådip issittumi suleqatigiinnissamut aaqqissuussaanit.