Ilisimatusarfimmi sullerlunnermikkut kukkusumik akuersisut

Ilisimatusarfimmi ilinnialerusullutik qinnuteqartut 20-t akuerisaanerarlugit kukkusumik nalunaarfigineqarsimapput. Ilisimatusarfimmi ilinniakkanut pisortap kukkusimanertik nassuerutigaa neriorsuutigalugulu sukaterisoqassasoq.

- Qinnuteqartut ilaat akuerisaanerarlugit nalunaarfigaavut, naak akuerisaanngikkaluartut, tamanna ajuusaarnaqaaq, Ilisimatusarfimmi ilinniakkanut pisortaq Jorunn Maria Magnusdottir oqarpoq.

Peqqissaanermut Ilinniarfimmut taavalu Isumaginninnermullu siunnersortinngorniarusullutik qinnuteqartut 20-nit ikinnerunngitsut aasaq manna nalunaarfigineqarput Ilisimatusarfimmi ilinnialernissaminnut akuerineqartut.

Taakkunani qinnuteqartut tallimat kukkusumik nalunaarfigineqarnertik naammattoorpaat.

 

Ilisimatusarfimmi sulisut qarasaasiarsorlutik suleriaatsimut nutaamut ikaarsaarneranni taama pisoqarpoq. Qinnuteqartut siornatigut allakkatigut kalerrinneqartaraluarput. Allakkalli apuuffissaminnut ilaanni apuutinngitsoortarneri pissutigalugit qarasaasiakkut suleriaaseqalernissaq ineriartortinneqarluni.

 

Taamaattoqarneranili Ilisimatusarfimmi kukkusoqarpoq, tassami Ilisimatusarfiup karakterit nassiunneqartut tigunerinut akissuteqartussaalluni ilinnialernissamut akuerisaanerarlugit kukkusumik nalunaarfigisimavai.

- Sukaterisoqassaaq. Soorlu uanga kisima akuerisaanikunut ukioq manna allakkatigut nassissuiuvunga. Taamaasilluni kukkunissaraluaq pinaveersaatinneqassammat. Qarasaasiakkut nassiussuisarnerit tamatta ilinniarluassavavut eqqortumik atornissaa anguniarlugu, Jórunn Magnúsdóttir oqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat