Ilisimatusarfik pillugu inatsisissaq aamma iluarisimaarneqarpoq

Peqqissaanermik ilinniarfimmi pisortap Ilisimatusarfik pillugu inatsisissatut siunnersuut iluaraa, naak Ilisimatusarfimmi ilinniartsitsisut ilinniartullu inatsisissamut akerliusut Ilimmarfimmut nooqatigisussaagaluarlugit.

Peqqissaanermik ilinniarfimmi pisortap, Ann Birkekær Kjeldsenip inatsisissaq sunneeqataasinnaanermut periarfissamik ammaanerarpaa pilerigalugulu.

Arlalitsigut inatsisissatut siunnersuutigineqartoq pilerigivarput, ilaatigut aqutseriaatsimik nutaamik ammaassimmat. Tassami Ilisimatusarfik bestyrelselerlugu aqunneqalerpat, inuiaqatigiinnut ammanerulissaaq sulisussallu atorfinitsinneqalernerini piumasaqaatit malillugit nalilersorneqaqqaartalissasut.

Atorfinitsitsisarnermik inatsisissaq qanoq Peqqissaanermik ilinniarfimmut iluaqutaassanersoq Ann Birkekær Kjeldsen aperineqarami, oqarpoq

- Peqqissaanermik ilinniarfik, ilinniarfissuaq ilinniarfiillu allat Ilimmafimmut nuuppata, Ilisimatusarfiup ataaniilissasut atorfinissutaasinnaasumik bacheloritut ilinniarfittut iluseqalissalerlutik.

-Maannakkuugallartorlu Peqqissaanermik ilinniarfimmi ilinniartitsisuusut akuerisaasunik ilisimatusarnikuunngikkaluarlutik ilinniartitsisuupput, soorlu Ilimmarfimmut nooqataasussat allat ilinniartitsisui aamma taama inissisimasut, taakkualu inatsisissatut siunnersuut aallaavigalugu bestyrelsemi ilaasortaanissaminnut periarfissinneqarput.

Taamaattumik Ilisimatusarfik pillugu inatsisissatut siunnersuut, atofinissutaasinnaasumik bacheloritut ilinniarsinnaanermik ammaassisuuvoq, Ann Birkekær Kjeldsen oqarpoq.

Tugassiornermik Ilinniarfimmi pisortaq, Naja Paulsen, inatsisissatut siunnersuummut aamma iluarinnippoq

Ilimmarfimmi ilinniartitsisussat ualimut sisamanut Ilisimatusarfimmi aqutseriaasissaq oqallisigissallugu naapipput.