Ilisimatusaatigalugu atortut alapernaarsuummi Vædderimiittut piiaqquaat
Sakkutuut Imarsiortut ilisimatusarnermut Danmarkimi ministerip, Helge Sanderip, peqqusimavai, imaani ilisimatusaatigalugu misissuinermi atortut alapernaarsuummit ”Vædderen”-imiit piiarneqassasut.
Aviisi Politiken taama allaaserisaqarpoq.
Galetheap ilisimasassarsiornerani atorneqareernermi kingorna, Kalaallit Nunaata imartaani imaani ilisimatusarluni misissuinissami ”Vædderen” atorneqassasoq pilersaarutaasimagaluarpoq.
Umiarsuaq Atlantikup Avannaani nakkutilliissutitut ulluinnarni atorneqartarpoq, maannakkullu naalagaaffiup akiligaanik imaani ilisimatusarluni misissuinissami atortorissaarusersorneqarsimanera iluatsillugu tassunga ilanngullugu marinbiologiske laboratoriemik peqareermat pissusissamisuuginna-raluarpoq atortut ilaasa umiarsuarmiitiinnarnissaat.
Taamaatoqarsinnaanngilarli.
Ilisimatuut akornanni aalajangiineq alianartumik tiguneqarpoq.
- Ilisimatusarluni misissueqqinnissaq pisariaqartinne-qarpoq, pingaartumik Grønlandshavimi, Tunup avannaani, Tunumi kiisalu kitaata avannaani, taama oqarpoq, Minik Rosing, Kalaallit Nunaanni Ilisimatuussutsikkut misissuisarnerni Ataatsimiititaliarsuarmi siulittaasuusoq, aamma Geologisk Museumimi Københavnimiittumi professoriusoq.
Ilisimatusarnermi minister Helge Sander aviisimiit nassuiaatinneqarsinnaasimanngilaq atortut ”Vædderen-imiit” sooq peerniarnerai.
