Ilisimatusaat nutaaq saqqummerpoq

Atuagassiaq kalaallisut, qallutaatut tuluttullu allannilik tallimanngornermi siulleq saqqummersinneqarpoq.  Atuagassiaq atuaruminartunik ilisimatuutut misissukkat kulturimut, inuiaqatigiinnut, atuarfinnut peqqinnissaqarfinnullu tunngasunik  allaaserisanik imalik akeqanngitsumik elektronikkikkut saqqummersinneqartoq, Ilisimatusarfimmi rektorimit Gitte Adler Reimerimit pilersinneqarpoq.

- Ilisimatusarfimminngaaniit neriuutigaarput ilisimatusaat ippassaq saqqummertoq atorneqarluarumaartoq aamma iluaqutaajumaartoq.

Maanna inuiaqatigiit ilisimatusaammik atuagassiamik kikkunnut tamanut ilisimatusartunuinnaanngitsoq atuagassaqalernera rektorip oqaatigaa.

- Ilisimatusaat sananeqarsimavoq inuiaqatigiit, ilisimatusarnermi, ilisimatusarfimmi ilisimatusarfigineqartut aasiniassammassuk, Gitte Adler Reimerip neriuutigaattaaq nunarsuarmioqatitsinnit atuarfeqarfinnilu ilisimatusaatit iluaqutigineqarumaartut.

- Kikkunnut tamanut paasinarsarniarsaralugu, ilisimatusarnerit assigiinngitsut taakku allanneqarsimapput. Kikkunnillu tamanit soorlu ilinniagaqarfinnit assigiinngitsunik, tusagassiortunit, nunatsinnut ilisimatusarnermut soqutiginnittunik, pissutsinut soqutiginnittunut inuiaqatigiinnit atuarneqarsinnaallutik,

Atuagassiami saqqummeqqaartumi ilaatigut tunumi nunaqarfimmiuaqqanik ungasianit atuartitsineq allaaserineqarnera atuarneqarsinnaavoq, aamma puisiminertugassatsinnik ullumi tunisigut. Ilisimatusaat atuarusukkukku uani atuarsinnavat. 

Ilisimatusaat ukiumut ataaseriarlugu saqqummersinneqartassaaq.