Ilisimatooq: Nerisassat mingutsitsinnginnerusut nerineqartariaqarput
Silaannaap mingutsinneqarnera annikillisinneqassappat, nerisassat mingutsitsinnginnerusut peqqinnarnerusullu nerineqartariaqartut, Danmarkimi inuussutissat pillugit ilisimatooq Preben Vestergaard Hansen, danskit aviisiannut Politikenimut oqarpoq.
Allattoq Jaaku Lyberth
Silaannaap mingutsinneqarnera annikkillisinneqassappat, neqinik nerisaqartarneq annikillisinneqarsinnaavoq, immuttalinnik manninnillu nerisaqartaleraanni.
Silaannarmik mingutsitsisunik taaneqartut tassaapput, Kaffi, Tii, Kakao, Viinni imigassallu aalakoornartortaqartut, soorluttaaq taakkua timimut peqqinnanngitsuusut Preben Vestergaard Hansen aviisimi Politikenimi apersorneqarluni taama oqarpoq.