Ilisimatooq: Naasorissaatinik seqqartaasarneq saneqqunneqarsinnaanngilaq

Nunarsuatsinni nerisassaanik amigaateqartoqartillugu milliuunillillu perlilertillugit, nerisassanik naasorissaatinik seqqartagaanngitsunik pingaartitsineq imminuinnaq eqqarsaatigivallaarnertut nalilertariaqartoq, Københavnip Universitetiani nerisassat aningaasanik kaaviijaartitsinermut sunniutaat pillugit ilisimasaqarfimmi atorfilik, Henning Otte Hansen oqarpoq.
Allattoq Louise M. Kleemann
apriilip 28-at 2008 11:21

Nerisassanik naasorissaatinik seqqartagaanngitsunik pingaartitsineq nunani siuarsimasuni inuit illorisaarnerusut pingaartitarisaattut taasariaqarpoq. Nunarsuarpulli ataatsimut isigalugu nerisassanik amigaateqartoqarpoq, inuppassuit nerisassaaleqipput ilaatigullu kaannersuaqarluni. Nerisassanillu amerlanerusunik naatitsisassagaanni naatitanik naasorissaatinik seqqartaasarneq saneqqunneqarsinnaanngilaq. Naasorissaatinimmi seqqartagaanngitsut naatinniarneri pisariunerupput nunalu annerusoq naatitsiffigineqartariaqarluni. Nuna naatitsiffigineqartoq naasorissaatinik seqqartagaq seqqartagaanngitsumiit 30 procenti tikillugu inerititsivigineqarnerusartoq, Henning Otte Hansen oqarpoq.

Folkekirkens Nødhjælpimiit ikiuiniarqatigiit pisortaat, Christian Friis-Bach oqarpoq naalagaffinni piitsuunerusuni nerisassanik pilersuinerup annertusarnissaa aallunneqarnerusariaqartoq, taamaakaluartorli naalagaaffinni killerni naasorissaatinik seqqartagaanngitunik naatitsisarneq unitsinneqartariaqanngitsoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq