Ilisimatooq: Københavnimi ataatsimeersuarnissaq pingaaruteqarluinnarpoq
Københavnimi isumaqatigiinniarnermi nunat tamat isumaqatigiissusiorniassapput, gassit silaannarmik kissakkiartortitsisartut annikkilisarneqarnissaat silallu kiatsikkiartornerata unitsinniarneqarnissaa isumaqatigiissusiussallugu.
- Nunarsuatta aniguinissaa qulakkeerniartussaavarput, Schellnhuber oqarpoq.
Hans Schellnhuber siusinnerusukkut oqarnikuuvoq, silap pissusaata allanngoriartorneranut sanilliullugu russit "immeraataat kaavittoq" uppernarpasissuusoq.
Isumaqatigiinniarnissalli USA-p unitseriaannaassagai professorip ernummatigaa. Taanna isumaqarpoq silap pissusaata allanngoriartornera pillugu amerikamiut ilisimasaqanngippallaartut.
- Nunani tamani isumasiuinerit ersersippaat Brasiliami Kinamilu innuttaasut ajornartorsiutit amerikamiunut naleqqiullugit allaat paasisimasaqarfiginerugaat, Hans Schellnhuber ritzauimut oqarpoq.