Ilisimasat katersorneqarneq ajorput
Sermersiuut sermersuatsinni ilisimatusarput, inuit peqqissusaat ilisimatusarfigineqarpoq, issittumi uumasut ilisimatusarfigineqarput, Zackenborgimi nunat tamalaat ilisimatuui ilisimatusarput.
Paasisalli tamakku maani nunatsinni katersuiffissaqarpat?
-Naamik, ilisimatusakkat pillugit maani bibliotekeqanngilagut, Namminersorlutik Oqartussani ilisimatusarnermut ataqatigiissaarisoq, Najâraq Paniula oqarpoq.
Ilisimatusarfimmili ilinniartut sulisullu suliaat atuakkanik atorniartarfittaani toqqortorneqarput, kisianni ilisimatusartut nunanit tamalaaneersut paasisaasa katersorneqartalernissaat Namminersorlutik Oqartussanit pilersaarutigineqarpoq.
Katersorneqassanerlutik ataatsimoortilerlugit?
-Biblioteki qaqugu pilersissanersoq naluara aamma taanna politikkikkut oqaluuserisassaassaaq aalajangiiffigineqartussaassallunilu, Najâraq Paniula oqarpoq.