Ilisimasassarsiortut Qalasersuaq kaajallalerpaat

Angalaartut sisamaapput, Sullualullu Ruslandilu avannaqqullugu, Atlantikumiit Manerussuup, tungaanut aqqutit, ataatsikkut sikuersimasut paasivaat. Ukiut 100.000-it ingerlaneranni aatsaat taamaalisoqarpoq.

Ilisimasassarsiutigalugu angalasut "Polar Passage 2000"-imik, imminnut taaguusersimasut, Ingeniørenimut ippassaq unnukkut sianerput, maannamullu paasisimasatik oqaluttuaralugit:

-Piffitsinni sikuersimavoq. Mallit 2 – 3 meterisut portutigipput, aatsaallu taamaattoqartoq maani najugallit oqarput. Ilisimasassarsiortut siuttuat,

Anders Bilgram, oqarpoq.

Silap pissusaata allanngoriartornerata kingunerisai aamma takusinnaasimavaat:

-Nanoq qeqertamiittoq ippassigami takuarput. Nannup taassuma nerisassatuarai orpiit pilutaat qorsuit, immaqalu narlumukaamik arlaatigut iluatsisisinnaassaaq. Tamakku nannut nerisarisuunngilaat, sikoqanngippalli puisinniarsinnaanngilaq, Anders Bilgram oqarpoq.

Ilisimasassarsiortut taakku sisamat Qalasersuup kaajallannissaanut 2.500 kilometerit suli amigaatigaat. Angumersisinnaaneraat ilisimaneqanngilaq, imaassinnaammat issippallaalersoq.