Ilisarnaatissamik unammisitsinermi ajugaasoq toqqarneqarpoq
Ilisarnaasiaq tassaasoq naqinnerit allaqqasut “imeq”, tassani “q” naggataaniittoq ammalortutut naqqani maligaasalittut titartagaasoq, ajugaassutavoq.
Ilisarnaammi taamaalilluni kalaallit oqaasiat immikkuullarissoq, imeq, ilulissanit aallaaveqartutut saqqummersinneqarpoq.
Ilisarnaatip ilusilersugaanera qajannaappasittuuvoq, naqinnerullu Q-p pamiuusartaa pitsaassutsimik ersertitsilluni, taamaammallu torrallataalluni. Taaama unammisitsinermi naliliisut allapput. Ilusilersuilluni unammitsinermi ajugaasuuvoq Niels Kaldahl Danmarkimi Virum-imimi najugalik, taanna 50.000 koruuninik akissarsivoq.
Ilisarnaatissamik unammisitsinermi Kalaallit Nunaanniit Danmarkimit nunanillu allaneersut 200-t sinneqartut siunnersuutinik nassitsipput.
Ilusilersuinermi ajugaasut siuunnersuuteqartullu allat suliaat Nuummi eqqumiitsulianik Katersugaasivimmi Nuuk Kunstmuseum-imimi novemberip ulluisa arfernganiit decemberip ulluisa arfineq pingajuata tungaanut takuniarneqarsinnaapput.