Ilinniartut Tunup avannaarsuani qimussimik sungiusarialerput
Tunup avannaarsuani sinerissamik qimusserlutik nakkutilliisuutitat Siriusikkut ilinniartortaavi Mestersvigimi sakkutooqarfimmit aallartillutik ukiuunerani sungiusalerput.
Allattoq Lotte Holm
Isorartuumut sisorarneq, atortut suut nassarnissaat inuilaarsuarmilu issittumi qanoq uumaniarnissaq qaammammi ataatsimini sungiusassavaat.
- Ilinniartuutigut arfineq-marluk qaammammi matumani ilinniassavaat suleqatigiinneq, pingaartumik imminnut ilinniassapput, Illersornissaqarfik nalunaarpoq.
Ukiuunerani sungiusarnermi ilinniartup nammineq sisoraatini nakkutigissavai, sakkut aqerlussaalu nammineq isumagissallugit kiisalu piniarneq, inuialaarsuarmi nerisassiorneq qimminillu nerisitsineq ilinniassallugit.