Ilinniartut taamaatitsiinnartarnerannut inuiaqatigiit akissaqanngillat
Allattoq Jaaku Lyberth
februaarip 24-at 2007 13:33
’Inuusuttut ilinniakkaminnik ingerlatsiinnartarnissaat anguniartariaqarparput. Ilinniartut ullumikkutut taamaatitsiinnartarnerannut inuiaqatigiit akissaqanngillat’. 46-inik ukiulik Ilisimatusarfimmiillu ingerlatsinermut bachelorinngoqqammertoq, Peter Grønvold Samuelsen ilinniartuarnissap pikkorissartuarnissallu pisariaqassusia pillugu Itisiliinermut taama oqarpoq.
Peter Grønvold Samuelsen, Air Greenland-ip siulersuisuisa siulittaasorisimasaat tunuaqqammertoq Royal Greenland’s siulersuisuini siulittaasunngoqqammertoq, isumaqarpoq, ilinniarnermik taamaatitsiinnarnissaq ajornanngippallaartoq, oqarporlu sukaterisoqartariaqartoq.
