Ilinniartut eqqakkanik misissuipput
Nunatsinni eqqagarpassuit Danmarks Tekniske Universitetimi, DTU-mi, Ph.d-mik ilinniagaqartumit sammineqarput. Qaasuitsumi Teknologiimik Inerisaavimmi ilinniartut qulit peqatigalugit Sisimiuni eqqakkat poorsuit hornorujut assallugillu qanittukkut immikkoortiterpaat.
oktobarip 14-at 2009 08:50
- Eqqakkanut teknologii nalinginnaasoq Kalaallit Nunaanni ilisimaneqarpoq atorneqarlunilu, eqqakkalli qanoq pineqarnissaannut ataqatigiimmik nuna tamakkerlugu aaqqissuussamik peqalernissamut aqqut suli takeqaaq, Ph.d-mik ilinniagalik, Rasmus Eisted, oqarpoq.
Sisimiuni eqqakkat tamarmik ikuallaavimmi ikuallanneqartarput, najugaqarfiit ikuallaavimmut qanittut kiassarneqartarlutik.
Eqqakkat tamaasa misissoriarlugit eqqakkat avatangiisinut tulluarnerusumik atorneqarsinnaanerannut Namminersortunut siunnersuusiornissaq siunertaasoq, DTU-p nittartagaani allaaserineqarpoq.
