Ilinniartitsisut akeqanngitsumik angalasinnaatitaapput
-Ilinniartitsisunik ilinniarsimasunik arfinilinnit afineq-pingasunit saaffigineqarpunga, ukioq atuarfiusoq aggustip qaammataani aallartippat atuarfitsinni ilinniartitsisunngorumallutik qinnuteqassangasunik. Atorfiit arfineq-marluk inuttassarsiorneqarput, taakku aqqutigalugit allakkatigut saaffiginnissinnaapput, taama oqarpoq Jens Korneliussen, Nanortallip Atuarfiani ittuusoq.
Nanortallip Atuarfiani nunaqarfiinilu sisamani ilinniartitsisut ilinniarsimasut 33-it atorfeqartinneqarput. Timelærerit pingasut tamakkiisumik sulisut, allat marluk tiimini ikittunnguani sulisorineqarput.
-Kisianni ilinniartitsisut nutaat afinillitt aggustip qaammataani atorfinissappata, taava pisariaqartitatta 95 procentii atorfinitsissimassavagut, Jens Korneliussen isumalluaqisoq taamak oqarpoq.
Taqqavani ilinniartitsisunik atorfinitsitsinermi, kommunit ilai assigalugit, atorfinittoq ukiut tamaasa akeqanngitsumik aasaanerani angalasinnaasarpoq, soorlu aamma kommunip akiligaanik ukiumut 4.000 koruuninik ileqqaartinneqartartoq, illoqarfik qimaleruniuk tigusinnaasaminik.
