Ilinniartitsisut 400-t amigaataapput

Naalagaaffiit peqatigiit Ilinniartitsisunut ullorititaat Kalaallit Nunaanni malunnartinneqanngikkaluartoq, ilinniartitsisut ulluinnarni sulinerannut oqilisaataasinnaasunik iliuuseqartoqarsinnaasoq Ilinniartitsisut kattuffianni IMAK-imi siulittaasoq, Sivso Dorph isumaqarpoq.
Allattoq Oline I. Olsen
oktobarip 05-at 2008 17:12

Nunarsuaq tamakkerlugu ilinniartitsisut 18 milliuunit amigaatigineqarnerat Naalagaaffiit Peqatigiiffiata ilinniartitsisut ulluanni oqariartuutigaa. Tamannalu Kalaallit Nunaanni aamma malugineqarsinnaasoq, Sivso Dorph oqarpoq.

- Siorna ilinniartitsisut 400-t tungaanoortut amigaatigivagut. Ilinniartsitisussaaleqineq ilinniartitsisunut artukkiisarpoq, ilinniartitsisullu atugaannik pitsanngorsaaniarnermi aporfiusarluni. Meeqqat eqqissiviitsut ilinniartitsisut ulluinnarni ajornartorsiutigisarpaat. Ajuusaarnartumillu atuartut eqqissiviitsut qanoq aqoriarnissaat ajornartorsiutaanerukkajuttuuvoq, atuarfeqarfinnilu tamanna eqqartorneqarnerpaajusarluni, Sivso Dorph nassuiaavoq.

-Atuarfimmi annertoorujussuarmik piffissamik tigusisarput initoqalutillu, Sivso Dorph oqarpoq. Ajornartorsiullu qaangerniassagaanni allatut aaqqissuisoqartariaqarsoraa.

- Soorlu angerlarsimaffinni tapersersuineq, ilaqutariinnik siunnersuisinnaaneq aamma ilaqutariit artornarnerusunik atungaqartut ikiorserneqarsinnaanerinik pilersitsinikkut, Sivso Dorph oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq