Ilinniartitsisusaqarniarneq Qaqortumi Tasersuup Atuarfiani ajornartorsiutaassanngilaq

Meeqqat atuarfiini aasaanerani atuanngiffeqarneq illoqarfinni arlalissuarni ulluni makkunani naavoq. Ilinniartitsisutut ilinniarsimasut amigaatigineqarnerat, Qaqortumi Tasersuup Atuarfiani ullumikkut atualeqqinnermi ajornartorsiutaavallaassanngilaq, tassami ukiumut atuarfiusumut kingullermut naleqqiullugu, timelæreritut atorfeqartinneqartunit 23-init qulingiluaannaat timelæreritut atorfeqarlutik ukioq manna aallartittut, Tasersuup Atuarfiata pisortaata, Gerhardt Egedep, nuannaarutigalugu oqaluttuarisinnaammagu.
aggustip 09-at 2007 16:59

Qaqortumi ilinniartitsisussaaleqineq annikillisarniarlugu, Namminersornerullutik Oqartussat, Danmarkimi sulisussanik pissarsiniarlutik takoqqusaaruteqarneranni, novemberimi pisumi, peqataasimanertik kommunip sulisoqarnermut pisortaata, Kim Dahlip, iluaqutaasimasutut aamma nalilerpaa. Taanna aamma atuarfiup pisortaa januuarimi februaarimilu Nuummiissimapput, ilinniartitsisunngorniat allallu soqutiginnittut oqaloqatigalugit soqutiginnilersinniarsimallugit. Aatsaallu taama Qaqortumi meeqqat atuarfianni ilinniartitsisoqarniarnikkut pitsaatigisumik ingerlasoqalersoq, Qaqortup kommuniani sulisoqarnermut pisortaq, Kim Dahl, unnersiorpoq.

Ilinniartitsisutut ilinniarsimasunit, 1300 missaannik atorfissaqartinneqartunit, nuna tamakkerlugu ukioq atuarfiusoq kingulleq 356-it amigaatigineqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq