Ilinniartitsisunngorniat 64-it aallartissapput

Ilinniarfissuarmi ilinniartitsisunngorniarlutik aallartittussat ukioq manna aatsaat taama amerlatigalutik ataasinngorpat aallartissapput. Nutaammi 64-it ataatsikkut aallartinniarput.
aggustip 13-at 2010 10:05

Ilinniarfissuup pisortaa, Dorthe Korneliussen, unnersiorpoq aallartittussat nutaat amerlanerpaasut. Aammalu ilinniartitsisunngorniarlutik qinnuteqartartut piginnaasaqarneruleriartortut.

- Piginnaanillit iseriaannaat amerlatsikkiartorput. Tassa imaappoq, qinnuteqartut pikkorissiartorput. Taavalu tigujuminarnerulernikuullutik, Dorthe Korneliussen oqarpoq.

Kollegiassaqarniarnerli suli ilinniartunut kalluaasoq Dorthe Korneliussen oqarpoq.

- Qujanartumik kollegiaqarniarneq KAF-ip tigummiaramiuk. Kisianni tassa soorunami uagutsinnut aamma malunnaateqartarpoq. Imaannaanngilaq kollegiassaqarniarneq. Kisianni tassa ilinniartunngortut tamarmik inissaqartinneqalertarput. Immaqa ilai aallaqqaataani issaqanngikkaluarlutik, kisianni aaqqittarput.

Dorthe Korneliussen oqarpoq Ilinniarfissuarmi atualertut ilinniakkaminnik unitsitsiinartarnerat ukiuni kingullerni annikilliartortoq, kiisalu siunnerssuisarnerit inuiaqatigiinnilu ilinniakkamik unitsitsiinnarternerup oqallisaangaatsiarsimanera iluaqutaasimasinnaasoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq