Ilinniartitsissussaaleqinerup Atuarfitsialak killilersimaartippaa

- Ullumikkut siunissamilu ilinniartitsisussaaleqinerup Atuarfitsialaap ineriartornissaa killilersimaartuassavaa, IMAK-ip siulittaasua Sivso Dorph oqarpoq.

Aamma isumaqarpoq, politikerit kissaataat atuarfimmilu piviusut imminnut ungasippallaartut. Sivso Dorph-ip siulittoruminaatsippaa, Atuarfitsialak qaqugu piviusunngorumaarnersoq, kisianni aqaguunavianngitsoq isumaqarpoq:

oqaatigiuminaattorujussuuvoq…

Oqaatigineqarsinnaanngilaq aqaguussanersoq ullumiussanersoq imaluunniit ukiut imatut amerlatigisut qaangiuppata kisianni oqaatigeqaarsinnaavara atuarfiit ilaasa atuarfitsialammut alloriarfiit annertuut tigoreernikuuaat taavalu aamma ilinniartitsussaqarninarnermikkut ajunngitsumik aamma inissisimallutik taamaalillutik atuarfiit ilaannut alloriarnerit naammaginartut alloriarfioreernikuupput, sumiiffilli ilaanni ilinniartitsisussaaleqineq annertoorujussuusoq, taassuma tungaanut aaqqeeriarnissaq, tassaavoq eqqarsaqatgiiinnissaq sumiiffinni ataasiakkaani pisariaqarpoq. Malugisarput unaavoq, uagut taamatut isumasioqatigiissitsinitsinni, ilinniartitsisut angajoqqaat, politikkerit atuarfinni soqutigissallit allat peqataapput, taakkua tikkuusseqatigiipput qanoq iliortoqarsinnaaneranik. Naalakkersuinikkut ilinniartitsisussaaleqineq eqqarsaatiginagu siunnersuusiortoqartarnera Sivso Dorhp-ip Itisiliinermi oqaatigaa..

Itisiliineq Atuarfitsialammut tunngasumik imaqartoq tusarnaaqqinneqarsinnaavoq, nittartakkami una alakkaraanni:

KNR GL titarneq uingasoq itisiliineq