Aappaagussamut kommuninut 18-inut ataatsimoortumik tapiissutit isumaqatigiinniutigineqarneri ingerlapput.
Ilaatigut eqqartorneqartunut ilaapput kommuninut aningaasartuutaanerulersimasut, soorlu sullivinnik nakkutilliisoqarfiup maleruagassiaasa sukannernerulernerisa kingorna aningaasartuuteqarnerulernissaq. Ilinniartitaanermut ataatsimooortumik tapiissutit iluanni isiginiarneqarnerussaaq, tamannalu pillugu KANUKOKA-p pisortaa Martha Labansen ima oqarpoq:
- Kattuffimmi siulersuisut Naalakkersuisullu isumaqatigiinnikuugamik immikkut ilinniartitsinermik sammisaqarniarneq. Aammalu aningaasaliiniarnernut tunngatillugu kommuninut ataatsimoortumik tapiisutit ikilisinneqassasut. Taasaasilluni kommunit immikkut ilinniartitsinerup sakkortusarneqarnissaanut akileeqataanissaat anguniarlugu. Ataatsimut isigalugu, ukiunut pingasunut avillugu imaalillugu nalilerneqarnikuupput: ukioq siulleq 25 millionit, ukiup tulliani 50 millionit taavalu 75 millionit. Amerlanerusut ilinniartinneqalerpata, taava aamma ikiorsiissutinik tigusisartut aammalu suliffissaaleqisut ikilissapput.
KANUKOKA-p pisortaa Martha Labansen taama oqarpoq. Bloktilskuudit komuuninut tunniunneqartussat ukioq manna 775 millioni koruuniupput, isumaqatigiinniutigineqarneralu aggustip qaammataani naammassineqassaaq.