Ilinniarnertuunngorniat uuliasiortuussaarput
Avannaani ilinniarnertuunngorniarfimmi Aasianniittumi aammalu Qeqqata ilinnniarnertuunngorniarfimmi Nuummiittumi ilinniartut, Kalaallit Nunaanni uuliasiullaqqinneqqusaallutik unammipput, tassani ajugaasut nunarsuarmi tamarmi unamminermi OilSim-imi pissanngorniunnermi unnammeqataassallutik.
Ilinniartut pingasut sisamalluunniit suleqatigiillutik uuliasiortuusaassapput, uuliamik ujaasissallutik. Taakkulu 200 millioni dollarsit missaanik aningaasaateqartuusaarlutik uuliamik gassimillu suleqatigiit allat ingerlataannit aningaasaliissuteqarneq misilissavaat. Unamminermi peqataasut nunamik sajuppillatsitsilluni misissuissapput nalunaarusiorlutillu, kingornalu uuliasiorfissaqqinnerpaat umiarsuarnilu kiffartuussivigiuminarnerpaat suliariumannittussarsiunneqassallutik. Ilanngullugu uuliasiorfissaqqinnersiuinermik ujaasisinnaaneq misilinneqassaaq.
Uuliasiornissamut unammisitsineq Chevron Upstream Europemit aningaasaliiffigineqarpoq, nunatsinniit unammeqataasut ajugaasortaat ingerlaqqissapput unammersuarnissami januaarip 31-ani Londonimi ingerlanneqartussami danskit, savalimmiormiut, norskit Skotlandimiullu unammeqatigissallugit.
