Ilinniarnertuunngorniarusuttut amerlissangatinneqarput

Ilinniarnertuunngorniarusuttut ilinniartunngorusuttullu aappaagu amerlinissaat ilimagineqarmat, assersuutigalugu Nuummi Ilinniarnertuunngorniarfik allineqassaaq 1 GU-lersut marloriaatinngortinneqassallutik. Sinerissami Ilinniarnertuunngorniarfiit allat tamarmik, aamma HHX HTX-ilu klassinik ataatsinik aappaagumiit aamma ilaneqassapput.

Meeqqat atuarfianni klassit aqqarnat aappaagu atorunnaarsinneqarpat, klassini annerni marlunniittut ukioqatigiinngitsut ataatsikkut naammassinnittussaapput.

Ilinniarfinnik naammattunik peqalernissaq qulakkeerniarlugu, ilaatigut aamma Sisimiuni pilersinneqassaaq aatsitassarsiornermik ilinniarfik.

Ilinniarfiit ilinniartoqarsinnaanerulernissaat anguniarlugu naammattunik inissaqartitsinissaq, Aningaasanut Inatsisissami aamma siunnersuutigineqarpoq.

Inuusuttut pingasuugaangata marluk (”2/3-iisa”) suliffeqalissutigisinnaasaminnik ilinniagaqarsimallutik ilinniarneq 2020-mi qimattassagaat siunnersuutigineqarpoq.