Ilinniarnertuunngorniarneq allanngussaaq

HHX, HTX, ilinniarnertuunngorniarfiillu ataatsimut kattunneqassapput, ilinniartut ukioq ataaseq atuareeraangamik ukiuni marlunni tulliuttuni sumut sammisumik ingerlariaqqikkusunnerlutik toqqartassavaat.
Allattoq Jokum Nielsen
decembarip 05-at 2007 15:32

Ilinniarnertuunngorniarfinnut tunngasunik aaqqissuusseqqinnissami 2009-mi aggustimi pisussami siunniunneqartut malinneqassappata taamatut ilinniarnertuunngorniarneq ingerlanneqartalissaaq.

Siunnersuut aaqqiissuteqarnissaq pillugu suleqatigiissitamit, ilinniartunik ilinniarfinnilu assigiinngitsuni ilinniartitsisunik, KIIIP-imeersumik, ilinniarfinni qullersanik, Inerisaavimmeersumillu ilaasortalimmit suliarineqarsimavoq. Pilersaarutit tamanit ilassilluarneqartut KIIIP-imiit nalunaarutigineqarpoq.

Siunnersuut malillugu ilinniarfiit tallimanik ingerlaqqiffissat sammiveqassapput – Inuiaqatigiilerineq, Pinngortitalerineq, Eqqumiitsulialerineq, Peqqissaanerlu – ingerlaqqiffissatut toqqagassat tallimaat piumaffiginarnerpaamik ilinniagaqarnerussaaq, ilinniarfimmiillu ilinniarfimmut piumaffiginarnera nikerartuussalluni, ukiup ilinniarfiup siulliup kingorna naliliinikkut akuerineqarluni ingerlanneqarsinnaasoq.

Ilinniarnertuunngorniartarnerup nutarterneqarnissaanut siunnersuut unnugu radioaviisimi itinerusumik sammissavarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq