Ilinniarnertuunngorniarfiit allanngortiterneqassapput

Ilinniarnertuunngorniarfiit nutaamik allanngortiterneqarnissaat Kalaallit Nunaannut pisussanngor-poq. Suleqatigiissitaq allanngortiterinissap qanoq ingerlasinnaaneranut kaammattuutinik saqqummiussissaaq. Kommunimi ataqatigiissaarisoq Jonas Lindelof oqaluttuarpoq.

- Kaammattuutigineqartut suleqatigiissitap saqqummiussai tassaapput maannamut GU-mi, HHX-imi HTX-imilu ilinniarnertuunngorniartarnerit Ka-laallit Nunaanni ilinniarnertuunngorniarnermut ataatsimoortillugit katersorneqarnissaat, taakkualu iluanni ilinniarniakkat assigiinngitsut taamaalilluni toqqarneqarsinnaalissapput. Apeqqutaatillugu fagit sorliit ilinniartup ilinniarusunnerunerai. Taamaattorli ataatsimoorussani ilinniartut tamarmik pisassaanni aammattaaq ilinniarniakkanik peqassasoq ilinniartup nammineq ilinniarusutai apeqqutaatinneqarlutik, Jonas Lindelof oqarpoq. Taanna aperaarput ilinniartut qanoq ilillutik taakku assigiinn-gissutaat malugissaneraat?

- Tamanna meeqqat atuarfianni ilinniarnertuunngorniarlutik toqqaagunik malugeriissavaat. Maannakkorpiaq ilinniarnertuunngorniassanerlutik ima-luunniit inuusuttut ilinniartitaaneranni ilinniarusunnerlutik toqqaassapput. Kisiannili ilinniarnertuunngorniarneq toqqarunikku taava HTX-erniarnerlutik, HHX-erniarnerlutik imaluunniit nalinginnaasumik ilinniarnertuunngorniarnerlutik isummerfigissavaat. Tassalu imaassaaq ilinniarnertuunngorniarnerlutik imaluunniit ilinniarnertuunngorniassannginnerlutik taamaallaat toqqaasinnaalissallutik, Jonas Lindelof nassuiaavoq.

Apereqqipparpullu isumaqarnersoq Ilinniarnertuunngorniarnerup allan-

ngortiternera ullumikkutut ilinniartut taamaatiinnartannginnissaannik qulakkeerinnissanersoq?

- Suleqatigiissitap suliniutit assigiinngitsut amerlaqisut kaammattuutigai ataatsimut isigalugit amer-lanerusut ilinniarnertuunngornissaannik siunerta-qartut. Tamatumani pitsaassuseq annikilliniarneqanngilaq, akerlianilli pitsaanerulersinneqassalluni. Tamatumanili isumagisassat maannakkorpiaq isumagineqanngitsut pineqarput, oqarpoq.

Aperaarpullu Ilinniarnertuunngorniarfiit allanngortiternissaanut nutaamut piffissaliussaq qanoq innersoq?

- Piffissaliussaq imatut isikkoqarpoq suleqatigiissitamik pilersitsisimalluta, suleqatigiissitarlu taanna 2007-imi kaammattuutinik saqqummiussaqariis-saaq. Taavalu pilersaarutaavoq naalakkersuinikkut suliamik ingerlatsineq tamanna malillugu aallartinneqassasoq aammalu allanngortiterinerup atuuti-lernissaa 2009-mi aggustimi pilersaarutaalluni.

Inatsisartut marsimi upernaakkut ataatsimiinner-minni ilinniarnertuunngorniarnerup Kalaallit Nu-naannut nuunneqarnissaa oqaluuserissavaat.