Ilinniarfimmi nutaami ilinniartut nutaat

Ilinniartut 69-it ullumi Ilimmarfimmi ilinniarnertik aallartippaat. Ilinniagaqarfiit arlallit ilinniarfimmi nutaami illoqatigiilerput, taamaattumillu ilinniartut imminnut immersoqatigiinnissaminnik periarfissaqarlualerlutik.
Allattoq Louise M. Kleemann
septembarip 01-at 2008 11:56

- Ilimmarfimmi ilinniartuuneq pitsaanerpaap tullerissanngilaa, pitsaanerpaajussaarli, Ilimmarfiup pisortaa, rektori, Aage Rydskov-Poulsen, ilinniartunut nutaanut tikilluaqqusilluni taama oqarpoq.

Inunnguaq Petrussen, Ilimmarfimmi ilinniartut 69-it aallartittut ilagaat:

- Ilinniarnera ingerlatiinnarsinnaanerlugu misilissavara, kisiannili naammassinissara siunniusimavara, tunniutiinnarnanga!” Inunnguaq Petrussen oqarpoq.

Illimmarfiup rektoriata tullersortaa Dorthe Korneliussen oqarpoq pitsaanerpaajunissaq, ilisimatusarfinni universitetini tamani anguniarneqartartoq, tamannalu Ilimmarfimmi aammattaaq anguniarneqassasoq. Ilinniartitsisut ilinniartullu Ilimmarfimmi atortussat periarfissallu qanoq atorluaritiginiarneraat apeqqutaavoq, prorektor Dorthe Korneliussen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq