Kalaallit ilinniagaqartut ilinniarnerminnik naammassinnereerlutik nunatsinnut uternerminni atugassarititaasut pitsaanerulernissaannik siunertaqartumik peqatigiiffimmik pilersitsiniartoqarpoq.
Tamanna atuarneqarsinnaavoq aviisimi Nuuk Ugeavis-imi, peqatigiiffimmillu pilersitsiniartut tassaapput ´Qallunaat Nunaanni ilinniareernerup kingorna nunatsinnut utersimasut soqutiginnittullu ataatsimiinnissamut ullumi nalunaaqutaq marlunut Nuummi pisussamut aggersarneqarlutik.
Kalaallit ilinniareernerup kingorna nunatsinnut utertunut atugassarititaasut pitsaanerulernissaannut suliniuteqarnissamik soqutiginnittut tamarmik tikilluaqquneqarput, peqatigiiffimmik pilersitsinissamik suliniuteqartut taama allapput.