Ilimmarfimmi soraarummeertut allagartartaassapput

Ilisimatusarfimmi ilinniartut ilinnigartuut ilinniarnerminnik naammassinnittut ullumi allagartartaassapput. Ilisimatusarfiup oqaluttuarisaanerani oqalutturisaaneq pillugu ilinniagartuumik allagartartaartoqassaaq.
Allattoq Jaaku Lyberth
februaarip 26-at 2010 05:07

Kathrine Kjærgaardip Kalaallit Nunaanni kristumiuussutsimik upperisaqarnerup ineriartornera assilissallu kristumiorpaluttut kalaallinit pingaartinneqarnerat pillugu, allaaserisani soraarummeerutigaa.

Ilinniakkamik ukiunik pingasunik sivisutigisumik ilinniarneqartartumi, Bachelorimik taaguuteqartinneqartumi, ilinniagaqartut 15-it ullumi allagartartaassapput, ilinniagartuut kandidatit sisamat ilinniakkaminnik allagartartaassalllutik.

Ilimmarfimmi ilinniartut allagartartaartinneqarnerannut atatillugu ataqqinaammik doktorinngortitsisoqassaaq, kina ataqqinaaserneqassanersoq kikkunnut tamanut ullumi saqqummiuneqassaaaq.

Ilimmarfimmi ilinniarlutik naammassisut allagartartaartinneqarnerat

ataqqinaammillu doktorinngortitsinneq ullumi nalunaaqutaq qulinut Ilimmarfiup nerisarfiani ingerlanneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq