Ilimagisat aallartilluarput

Siorna finalertut G-44 Qeqertarsuarmiit aamma B-67 Nuummiik aallartilluarput. Ammaanermi G-44 SAK-mut Sisimiuneersumut 5-0-mik ajugaavoq unamminerullu tulliani B-67 Kugsak 45-mut Qasigiannguaneersumut 4-0-mik ajugaalluni.

Aamma kikkut ajugaanissaat pissangananngivippoq Eqaluk 54 Tasiusameersoq aamma UB-83 Upernavimmeersoq unammimmata. Tassani muminnermi Eqaluk 54 10-1-mik ajugaavoq. Eqaluk 54 piumallerlunilu isertitsisaqattaalerpoq UB-83-rmiut anisitaasortaqarmata.

Sapaammi unamminermi kingullermi unammersuarnernik aaqqissuisut Nagdlúnguak aamma Nagtoralik Paamiuneersoq unammipput. Nagdúnguak tassani 4-1-mik ajugaavoq. Unamminerulli ilarujussuaq Nagtoralik akiuulluaraluarpoq. Ataatsimilli anisitaasortaqarmata Nagdlúnguak unamminerup sinnera aqutsivoq.

Sapaammi angusat:
G-44 – SAK 5-0
B-67 – Kugsak 45 4-0
UB-83 – Eqaluk 54 1-10
Nagdlúnguak – Nagtoralik 4-1

Ataasinngornermi unamminissat:
Nal. 14.00 UB-83 – FC  Malamuk
Nal. 16.00 B-67 – ATA
Nal. 18.00 Eqaluk 54 – G-44 (KNR-mi toqqaannartoq)
Nal. 20.00 Kugsak 45 – Nagdlúnguak (KNR-mi toqqaannartoq)