Ilassinnissutinik atornerluisimaneq politiinut suliassanngorteqquaat
Politikerit nuimasut ilassinnittarnermi aningaasaatinik atuisarsimanerat aviisimi sapaatit akunerni kingullerni allaaserineqaqattaarpoq, ilaatigut inatsisartunut siulittaasuusimasup Jonathan Motzfeldtip, kingoraartaata Ruth Heilmannip naalakkersuisullu siulittaasuata Hans Enoksenip ilassinnittarnermi aningaasartuutaat qulaajarneqarlutik.
Siornatigut naalakkersuisunut ilaasortaasimasoq Jens Napaattooq ippassigami qaammatini sisamani pinerluuteqarsimasunut inissiisarfimmiittussanngorlugu Østre Landsretimit pineqaatissinneqartoq innersuussutigalugu Jens B Frederiksen siunnersuuteqarpoq.
- Jens Napaattuup pisortat aningaasaataannik atorluisimasutut pineqaatissinneqarpoq.
Eqqartuussinermi saqqummiunneqartut tunngavigalugit politimesteri nammineerluni sulianik aallartitsissasoq soorunami naatsorsuutigaarput, soorlu siornagut tamaaliortoqarsimasoq, Jens B. Frederiksen aviisimut oqarpoq.