Ilaqutarinnut højskolertitsinissat soqutigineqartorujussuupput
Kommunit 13-it ukioq manna Ilaqutariinnut højskolertitsiumallutik Namminersornerullutik Oqartussanut aningaasanik tapiiffigeqqullutik qinnuteqarput.
Allattoq Louise M. Kleemann
Aningaasat 741.000 koruunit Namminersornerullutik Oqartussanit immikkoortinneqartut, kommuninit februarip aallaqqataa tikitsinnagu qinnuteqarfigineqarsinnaapput.
Aningaasallu millionip affai nassaarineritigut kommunit qinnuteqartut 13-iusut tamarmik taperneqarput. Aningaasanik tapiinermi kommunit mikinerit nunaqarfiillu immikkut isiginiarneqarsimasut Namminersornerullutik Oqartussanit oqaatigineqarpoq.