Ilaqutariit akissaatikitsut tapisiaat qaffanneqarput

Ilaqutariit meerartallit akissaatikitsut naalakkersuisunit ikiorserniarneqalerput. Juulip aallaqqaataani – tassa marlunngorpat ilaqutariit aningaasarsiakinnerit meeraasa tapisiaat 15-imiit 25 procentip tungaanut qaffanneqassapput.
Allattoq Louise M. Kleemann
juunip 27-at 2008 08:40

Taassuma saniatigut meerarsiaqartunut tapit aamma 25 procentimik qaffanneqassapput. Taamaalillutik ilaqutariit meerartallit ikiorserneqarnissaannik inatsisartut peqqussutaat naalakkersuisut piviusunngortikkaat, Naalakkersuisut tusagassiiviannit nalunaarutigineqarpoq.

Ilaqutariit ukiumut 130.001 koruuninik isertitaqartartut marlunngorpamiit ukiumut 7.637 koruuninik tapisisalissapput.

130.001 koruuniniit 180.000 koruuninik ukiumut isertitaqartartut ukiumut 5.163 koruuninik tapisisalissapput.

Ilaqutariillu ukiumut 180.000 koruuniniit 280.000 kroruunit tungaannut isertitaqartartut 2.870 koruuninik tapisisalissallutik.

Meerarsiaqartunut tapigitinneqartartut nalinginnaasut 25 procentimik qaffanneqassapput, qaammammut 4.123 koruuninik taperneqartalissallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq