Ilaqutariinnut sullissivik nutaaq

Ilaqutariit ataasiakkaat piginnaanngorsarlugit nukittorsarnissaannut aammalu meeqqat pisariaqartitaannik angajoqqaat takunnissinnaanngornissaat Ilulissat Kommune-annit pinaveersaartitsinikkut anguniarneqarniarpoq.

Kikkulluunniit ilaqutariit angajoqqaatulluunniit siunnersorneqarnissamik pisariaqartitsisut neqeroorfigineqartassapput, ilaqutariittut ataqatigiinnerata nukittujuarnissaat peqqissumillu inuuneqarnissaat anguniarlugu.

Pilersaarut piviusunngortinniarlugu suliarineqarpoq Isumaginninnermut pisortamit Magga Fenckerimit aamma Pitsaaliuinermi siunnersortimit Helga Nielsenimit. Pilersaarummut tunngatillugu aningaasartuutissat aningaasaateqafinniit aningaasaliiffigineqarsimallutik Ilaqutariinnik isumaginnittoqarfimminngaanniit aammalu Pikkorissaasup attartorneranut tunngatillugu Inuuneritta pulje aningaasaliisimalluni, taamaasilluni Ilulissat Kommune-anit immikkut aningaasartuutiginngikkaluarlugu pilersinneqarluni.