Ilaqutariinnut højskolertitsisarnerup sivitsorneqarnissaa ujartorpaat
Aage Jensen inooqataa meeraallu ilaqutariinnut højskolersimapput. Aappariinnerallu tassuunatigut annattoq oqaatigaat. Ilaqutariinnullu højskolernertik pissarsiaqaatigisimaqaat, aatsaat taamak inuunerat ingerlalluartigilersimagami. Peqataasulli tamarmik ilaqutariinnut højskolernertik pissarsiffigilluarneq ajorpaat:
- Ilaqutariit allat aatsaat ammarfitsik nallileruttoraat uterlutik angerlarlutik pigamik taava eqqarsaatersuutigigatsigu una
- Modulikkaartumik ingerlaqqinnissamik periarfissaqarnissaq takorluugaavoq, Aage Jensen oqarpoq.
Ilaqutariinnut peqqinnissamullu naalakkersuisoqarfimmi pisortaq Martha Lund Olsen aperaarput ataavartumik ilaqutariinnut højskoleqalernissaq anguneqarsinnaanersoq imalu akivoq:
- Immikkut iliuuseqarnitsinni aningaasanik kommunet aaqqissuillutik imaluunniit Knud Rasmussenip Højskolia aaqqissuillutik qinnuteqartarput tassa aningaasat taakkua taamatut immikkoorteqqatillugit imaqartillugulu ajornanngilaq qinnuteqaatit taakkua apeqqutaapput qanoq innersut, Martha Lund Olsen oqarpoq.