Air Greenland teknikkikkut ajutooqqasoq: Ilaasut 106-it Upernavimmi kanngittut
Qulimiguullip Upernavimmiittup uuliaa allami taarserniarnera siullermik ajornartorsiutaavoq, teknikkikkullu ajornartoorneq silarlu kinguaattoortitsingaatsiarput.
Air Greenlandimut ilaallutik avannaani angalasussat sapaatini akunnerni marlunnik ilaasut 106-it Upernavimmi kanngeqqapput.
- Nunatta avannaani ulluni makkunani ilungersunartorsiorpugut, Air Greenlandimi pisortaaneq, Jacob Nitter Sørensen Upernavimmi kinguaattooqqaneq pillugu KNR-imut oqarpoq.
Kinguaattuungaatsiarneq ilaatigut qulimiguullip uuliaanik taarsiiniarnermik peqquteqarpoq. Uuliarmi atorneqartussaq Europamut inniminnerneqaqqaartussaavoq, inniminnerneqareernerani uulia Pituffimmut nassiunneqareernerani aatsaat Upernavimmut nassiunneqarsinnaammat.
Qulimiguullip uuliassaa nutaaq martsip naalernerani apriilillu aallartisimatsiarnerani Upernavimmut apuunneqartoq, Jacob Nitter Sørensenip ilisimatitsissutigaa.
Ajornartorsiulli aaqqinneqariartoq qulimiguulik teknikkikkut aamma ajornartorsiulerpoq. Kingoraartissanik aamma tikiussisoqarnissaanik aamma atorfissaqartitsisumik.
Kingoraartissalli tikisinniarnerat aamma Ilulissaniit Upernavimmut apuunniarneranni silamit sapernusinneqarput.
Ilaasut 106-it kanngittut
Ilaasut 106-it Upernaviup eqqaanut apuuttussat maanna Upernavimmi suli kanngeqqapput. Taakku ilagaat Kullorsuarmiu, Martin Olsen, taanna ulluni qulini angerlarmut apuunniarsarivoq.
- Soorunami apuukkusukkaluarpugut, allatuulli apuukkusukkaluarpugut. Kisianni aamma imaaliallaannarsinnaanani, sikukkut aqquteqarani. Nunaqarfippullu Upernavimminngaaniit orninniarnissaa ungasinnerpaajugami, Martin Olsen KNR-imut oqarpoq.
Ilaasulli angerlamut apuunneqarnissaat ulluni qaninnermi piumaartut, Air Greenlandip neriorsuutigaa.
- Qulimiguulik Upernavimmiittoq ullumi aaqqinneqarnissaa naartsorsuutigaarput, aqagulu ilaasunik angallasseqqilersinnaanissaa neriuutigaarput, Jacob Nitter Sørensen oqarpoq.
Taassuma oqarnera naapertorlugu ilaasut ullut marluk pingasullu ingerlaneranni apuuffissaannut apuunneqassasut aamma naatsorsuutigaa.
- Ilaasut 106-it kinguaattooqqallutillu taamaatinnikut angerlamut apuussornissaat maanna tullinnguutissaaq, Jacob Nitter Sørensen oqarpoq.
Upernavimmi kanngittut ilagaat, Ole Kristiansen, taanna sapaatini akunnernik marlunnik sapernusimanerminut nerisaminut aningaasartuutigisimasaminut Air Greenlandimiit tapiiffigineqarnanilu isumagisimassimanani KNR-imut oqarluttuarpoq.
