Ilaasussat timmisartumut allamut nuunneqarput
Timmisartoq 43-nik ilaasoqarluni mittarfimmi qangattarfissaminut pereersoq, timmisartumi ilaasut inaanni sakkortuumik uuliasunnilerpoq. Taamaalimmat timmisartoq unitsinneqarpoq erngarfialu nassaarineqarluni.
- Erngarfia taama mikitigitillugu uuliap aalannguulluni anianera piffissami sivisulaartumi pisarpoq. Taamaattumik erngartoqarnera timmisartoq qangattarfissaminut pereersoq aatsaat paasivarput, timmisartuussinernut pisortaq Wilhelm von Platen taama oqarpoq.
Ilaasut uuliap aalannguuffiani ima sivikitsigisumik isersimapput, tamanna peqqissutsimut ulorianartorsiortitsinani. Taamaattumik ilaasussat timmisartumut Dash-7-imut allamut ikitinneqarput, nalunaaquttallu akunnerinik marlunnik kinguaattoorlutik Paamiunut aallarlutik.
Ilaasussaagaluilli pingasut angalanissaagaluartik taamaatiinnarlugu Nuummiiginnarput.
