Ilaasussat ilaat tuusintit unnuiffissaaleqissunneqarput

Air Greenlandimi nunatsinni angallannermut aqutsisup

Jørgen Erik Andersenip oqarnera malillugu, ilaasut 1.000-t sulinermik unitsitsinerup kinguneranik eqqorneqarput. Air Greenlandip angallannikkut eqqugaasut tamaasa hotelini unnuiffissaqarniarnerat isumagisussaavaa.

Air Greenlandip timmisartuutaanut ilaasut Kalaallit Nunaanni ingerlaqqissinnaajunnaartut Kangerlussuarmi kiisalu sinerissami tamaneersut Air Greenlandip akiligaanik hotelini unnuisinneqassapput.

Hotelini inissaqartitsiniarneq maannakkut ajornartorsiutigaarput sulinermik unitsitsinerup nassatarisaanik ilaasunik angallassisoqanngimmat.

Angallannikkut eqqugaasut tassaapput Kalaallit Nunaata Danmarkillu akornani angalaniartut kiisalu Kalaallit Nunaata iluani.

Hotelinilu inissaqarniarneq sumi ajornartorsiutaanersoq aperineqarami akivoq;

- Timmisartorsuaq Norsaq Kangerlussuarmut tikinnikuuvoq, taamaammallu Kangerlussuarmi unnuisarfiit tamarmik ulikkaaqqasut.

Ilulissani unnuisarfiit aamma ulikkaaqqapput, Nuummili hotelit inissaqarluarmata tamanna ajornartorsiutaanngitsoq oqaatigalugu.