Ilaasortaminnut immikkoortortaqarfinnullu attaveqarniarneq pitsaanerulersinniarpaat
Inuit Ataqatigiit ilaasortaminnut immikkoortoqarfimminnullu attaveqarnertik pitsaanerulersinniarpaat. Attaveqaatit nutaat elektroniskiusut, Internet aamma e-mail, maannakkornit annerusumik atorlugit partiip siunertai angunianiagaalu immikkoortoqarfinnut ilisimatitsissutigineqartassapput.
Josef Motzfeldt Itisiliinermi nassuerpoq, partiip immikkoortoqarfiinut attaveqarnissaq pitsaanerulersinnaasoq. Aammali oqaatigaa, immikkoortoqarfinnut paasissutissanik nassiussuineq pitsaaneruleriartortoq.
Inuit Ataqatigiit siulittaasortaavat, Kuupik Kleist, oqarpoq, angisuunik aalajangigassaqartillugu immikkoortoqarfiit isummernissamik piumaffigineqartartut. Taamaalillunilu Inuit Ataqatigiit qulaaniit aqunneqarneragaanerat illua’tungilerpaa.
Itisiliineq, arfinermut aallakaatinneqassaaq, tassanilu Inuit Ataqatigiit, Maniitsumi ataatsimeersuaqqammersut, siulittaasortaavat Kuupik Kleist aamma siulittaasutut tunuartoq Josef Motzfeldt pulaartorineqassapput.
