Ikummatissat pillugit isornartorsiuineq akerlilerpaat

Ikummatissat imerpalasut assigiimmik akeqartussaatitaanerisa aappaagu atorunnaartinneqarnissaa pillugu SIK-p siulittaasuata Jess G. Berthelsenip isornartorsiuinera, Unammilleqatigiinnissamut Nakkutilliisoqarfimmit akerlilerneqarpoq.

Isumaqatigiissuteqarnissap oqaluuserineqarnerani Unammilleqatigiinnissamut Nakkutilliisoqarfik Namminersorlutik Oqartussanut piumasaqaateqarsimavoq uuliamik tuniniaanermi akit assigiittussannerannik aalajangersagaqarneq "maksimalpris"-inik taarserneqassasoq, tassa akit qaffasinnerpaaffilerneqassasut.

Tamannali SIK-mit eqqarsarnartoqartinneqarpoq, ikummatissanut akit nunaqarfinni atuuttut illoqarfinnut naleqqiullugu qaffasippallaalernissaat ernummatigineqarmat.

Akit assigiittussaanerannik aalajangersakkamik aappaagu januaarip aallaqqaataani atorunnaarsitsisoqarpat ikummatissanut imerpalasunut akit ullumimut naleqqiullugit qaffasinnerulernavianngitsut, Unammilleqatigiinnissamut Nakkutilliisoqarfiup siulittaasuata Carl-Aage Skovaap erseqqissaatigaa.

Uuliaarniat ataasiakkaat akit qaffasinnerpaaffissaaninngarnit appasinnerusumik tamatuma malitsigisaanik akeqartitsisinnaalissapput. Atuisunullu tamanna iluaqutaaginnarumaartoq, Unammilleqatigiinnissamut Nakkutilliisoqarfiup oqaatigaa, akit unammilleqatigiinnermi sapinngisamik appasitsinneqartarmata.

Sinerissap ilaani unammilleqatigiittoqanngitsoq, Unammilleqatigiinnissamut Nakkutilliisoqarfiup ilisimagaa, Carl-Aage Skovaa oqarpoq, kiffartuussinissamullu nutaamik isumaqatigiissuteqarnikkut tamani tamaani unammillertoqalerumaarnissaa neriuutigigitsik, Carl-Aage Skovaap oqaatigaa.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat