Ikumatitaq aatsaavissuaq qimussiunneqarpoq

Olympiadep innera ikumatitaq qimussiunneqaqqaarpoq. Tamanna pivoq Vancouverimi ukiukkut OL-ertoqarnerata aallartisarnerani, olympiadertoqarneranilu inneq ikumatitaq sapaatip akunnerani uani qimussiunneqarpoq.
novembarip 12-at 2009 13:57

Ukiuunerani OL-eqarnissaq februaarip qulinganni Vancouverimi aallartissaaq, taamaalinnginneranilu innerup Grækenlandimiit Canada tamaat aqqusaassallugu tigumiarneqarsimalluni.

Innerup issittumi angallannera Alertip mittarfiani Canadami mittarfiit avannarlersaanni aallartippoq, kingornatigullu Qaasuitsumut ingerlanneqassalluni. Tassanngaanniit Kuussuarmut timmisartuunneqassaaq.

OL-ip innera aatsaat taama avannarpasitsigisukkut ingerlanneqarpoq. Kuussuarmi innuttaasut 2.000-ingajaat tamangajammik innermik takuniaapput. Niuertarfiit atuarfiillu tamanna pillugu matoqqapput.

Kuussuup mittarfiani inneq borgmesterimit tikilluaqquneqarpoq qujaniummillu qinusoqarluni. Tamatuma kingorna OL-ip innera Kuujjuaq tamaat qimussiunneqarpoq naggueqatitsinnit nuannaarutigineqaqisumik.

- Canadamiuunerput OL-imullu peqataanissarput tanngassimaarutigaarput, Makivimminngaanniit Pita Aatami oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq