Ikuallagussaasoq
Nuummi Blok 1-imi ullumi ullaap tungaa ikuallattoqarnerani angutip toqungasup timaa nassaarineqartoq suli kinaassusersineqanngilaq. Qatserisartut anersaartuutillit angut quimi nassaaraat. Angut Dronning Ingridip napparsimmavissuanut eqqunneqarnermini toqoreersimasoq, Johan Davidsen Nuummi politiiniit nalunaarpoq.
Allattoq Mads Lynge
Ikuallanneq qanoq aallartissimassanersoq politiinit suli oqaatigineqarsinnaanngilaq, Johan Davidsenilu oqarpoq, ikuallattoq silaannarissarneqareerpat misissuinerit aatsaat ataasinngorpat aallartinneqarsinnaassasut.
Ikuallattoq nalunaaquttap akunnerata affaata ingerlanerani qaminneqaraluartoq, pujorpallaarnera pissutigalugu ikuallattup qulaani inini arfinilinni najugallit aneqquneqartariaqarsimapput, inullu ataaseq putsumik iioraavallaarsimasoralugu napparsimmavimmi misissorneqartariaqarsimalluni.