Finale: Puerto Rico kuultinnattoq - nunarpullu sølvinnalluni

Puerto Rico amerikap avannaamiunut Caribiamiunullu unamminermi nunatsinnut ajugaavoq

Nunatsinnit arnat assammik arsartartut unammiuaarnermi aatsaat taama angusarissaartigipput. Taamaammat nunarput pissartanngorniunnermi aamma aatsaat siullermeertumik sølvinnappoq.

Arnat assammik arsarnermi unammersuaareerlutik Puerto Rico ajugaapput.

Unamminerat 24-34-imik inerneqarpoq.

Nunarput kuultinnanniaannanngilaq. Unamminermi ajugaaneq pissartanngorniunnerlu Spaniami assammik arsarnermi nunarsuarmi pissartanngorniunnissamut aamma periarfissiivoq. Puerto Ricolu pissartanngorniutivikkiartortussanngorluni.

Nunatsinneersut USA-mi Chicagomi unammiuaarnerni ingerlalluarput. Unamminerminnimi Mexicomut, USA-mut ippassarlu Puerto Ricomut ajorsartinneqaratik ajugaapput.

Puerto Ricolu unnummut pissartanngorniunnermi aamma unammivaat. Aamma naak nunarput taakkununnga ippassaq 26-23-mik aamma ajugaareeraluartoq unammeqqippaat. Puerto Ricomeersummi nunatsinneersutulli unamminermi pissartanngorniunnissamut aamma qulakkeerinnereerpoq.

Puerto Ricomeersulli unnummut unammersuaarnermi angusarissaarnerupput.